About | HeinOnline Law Journal Library | HeinOnline Law Journal Library | HeinOnline

LOG IN
LOG IN


89 THRHR [i] (2026)

handle is hein.journals/tyromhldre89 and id is 1 raw text is: REDAKSIONELE BELEID 1 Die THRHR stel hom ten doel om uitmuntendheid in navorsing op alle gebiede van die Suid-Afrikaanse reg te bevorder deur bydraes van gehalte te publiseer, hetsy as vollengte-artikels, hetsy as korter aantekeninge of vonnisbesprekings. Sodoende onder- steun dit hoëvlak leer, onderrig, en navorsing. Alle bydraes in Engels of Afrikaans word voorsien van opsommings in Afrikaans en Engels, onderskeidelik. Waar gepas, kan opsommings in enige van die ander amptelike tale van Suid-Afrika ook voorsien word. Bydraes deur buitelandse skrywers word verwelkom. 2 Die gehalte van publikasies word verseker deur bydraes te onderwerp aan portuur- evaluering deur erkende deskundiges in die betrokke veld. Veral waar minder ervare skrywers se werk ter sprake is, word bydraes wat nie publiseerbaar bevind is nie saam met die beoordelaar se kommentaar aan die skrywer teruggestuur en word die skrywer n geleentheid gegun om die bydrae weer voor te lê nadat dit omgewerk is. 3 Vir doeleindes van portuurevaluering maak die THRHR gebruik van n uitgebreide redaksieraad, wat bestaan uit vooraanstaande regsgeleerdes wat elke regsfakulteit in die Republiek van Suid-Afrika verteenwoordig, asook ere- en oorsese lede. Alle bydraes wat vir publikasie voorgelê word, is onderhewig aan portuurevaluering. 4 Bydraes in Engels en Afrikaans is ewe welkom; geen voorkeur word aan enige van die tale verleen nie. 5 Bydraes wat reeds elders verskyn het, word in die reël nie vir publikasie aanvaar nie; hulle kan egter wel oorweeg word indien die redakteur meen dat die onderwerp en die gehalte van die item dit regverdig. 6 n Bydrae wat elders vir publikasie aangebied is maar wat om welke rede ook al nie aanvaar is nie, of slegs voorwaardelik aanvaar is, word as n reël nie vir publikasie deur die THRHR oorweeg nie. Die redakteur mag egter in sy diskresie wel plasing van so- danige bydrae oorweeg, mits die outeur openbaar dat die bydrae reeds elders aangebied is en, waar van toepassing, redes verskaf waarom dit nie vir publikasie aanvaar is nie, of voorwaardelik aanvaar is. 7 Bydraes wat vir publikasie aanvaar is, sal gewoonlik verskyn in die volgorde waarin hulle ontvang is. Die redakteur kan egter by geleentheid van hierdie praktyk afwyk om wat inhoud betref die balans te behou tussen die verskillende items wat in n bepaalde uitgawe verskyn, of om n bydrae wat buitengewoon aktueel is, te akkommodeer. 8 Die THRHR word later in hierdie uitgawe gepubliseer. 9 Navorsing deur minder ervare skrywers word aangemoedig deur die uitloof van n prys vir die beste bydrae deur n eersteling-bydraer wat die rang van senior lektor of laer beklee ten tyde van die voorlegging van die bydrae. 10 Daar word n prys uitgeloof vir die beste artikel ongeag onderwerp of taalmedium. 11 Die voortgesette ontwikkeling van Afrikaans as regstaal word aangemoedig deur die uitloof van n prys vir die beste bydrae in Afrikaans. 12 Die skryf van nuttige bydraes van meer beperkte omvang word aangemoedig deur die uitloof van n prys vir die beste aantekening of vonnisbespreking. 13 Meerdere bydraes deur een skrywer kan saam vir n prys oorweeg word. Die redaksie hou egter die reg voor om geen prys in n bepaalde kategorie toe te ken nie indien dit van mening is dat die gehalte van die bydraes wat ontvang is, nie die toekenning van die prys regverdig nie. 14 Bydraes deur bestuurslede van die Vereniging Hugo de Groot, die redaksiekomitee, en die redaksie kom nie vir pryse in aanmerking nie.